AZƏRBAYCAN REALLIQLARI ANKARA RADİOSUNDA
TRT-Ankara radiosunun bir qrup əmkdaşı respublikamızda səfərdə olmuşdur. Radionun rejissoru Raşit Nuri Özdem və TRT-Türkiyənin Səsi radiosunun Azəri-türkcəsi verilişləri redaksiyasının baş redaktoru Seyfəddin Altaylı AZƏRTAC-ın müxbirinə bildirmişlər ki, səfərdən məqsəd müvafiq sahədə qarşılıqlı əlaqələri daha da möhkəmləndirmək, proqram mübadilələri aparmaq, müsbət təcrübəni bölüşməkdir. Mövcud ortaq problemlərə diqqəti çəkən qonaqlar Dağlıq Qarabağ münaqişəsi, Xocalı faciəsi, qaçqın və məcburi köçkünlərin durumu və s. mövzularda informasiyaların həm Türkiyəyə, həm də bütün dünyaya çatdırılmasına böyük ehtiyac duyulduğunu qeyd etmiş və bu məqsədlə Türkiyə radiosunda canlı efir vaxtı ayrıldığını bildirmişlər.
Ardıcıl olaraq iki gün yayımlanmış “Gündəm” verilişində qeyd olunan mövzulara geniş yer verilmiş, eyni zamanda ölkəmizdə son illər iqtisadi sahədə qazanılmış uğurlardan ətraflı söhbət getmişdir.
Bölmənin digər xəbərləri
