Çin super təyyarəni sınaqdan çıxarmışdır
Bakı, 25 yanvar (AZƏRTAC). Çin beşinci nəsil J-20 qırıcı təyyarəsini sınaqdan çıxarmışdır. Amerika kosmik X-37B aparatının analoqu olan təyyarəyə çinlilər “qara qartal” adı vermişlər.
Ekspertlərin fikrincə, təyyarə həddən ziyadə uzunluğu ilə seçilir. Beləki, onun qanadı açılan halda 14 metrə çatır, uzunluğu 24 metr, uçuş kütləsi isə 40 tona yaxındır. Uçan aparat “hava-hava” raketləri, idarə olunan aviasiya bombaları ilə təchiz olunmuşdur.
Stels texnologiyalarından bacarıqla istifadə edən konstruktorlar xüsusi aerodinamikaya malik qırıcının radarlardan gizlənməsini təmin edə bilmiş, onu manevrli, uçuşunu isə iqtisadi cəhətdən sərfəli etmişlər.
Bu kimi keyfiyyətlər qırıcıya bombardımançı, yanacaq daşıyan təyyarələri ələ keçirmək, həmçinin suda görünən hədəfləri məhv etməyə imkan verir.
Havada mütləq hakimliyin təmini məqsədilə yaradılmış J-20 təqribən 50-70 milyon ABŞ dolları məbləğində dəyərləndirlir. Super təyyarənin serial buraxılışı isə 2020-ci ildə nəzərdə tutulmuşdur.
Bölmənin digər xəbərləri
