“Böyük Qayıdış”ın yaratdığı təbəssüm
Bakı, 3 iyun, AZƏRTAC
Qaçqınların və Məcburi Köçkünlərin İşləri üzrə Dövlət Komitəsinin təşkilatçılığı və işğaldan azad edilmiş ərazilərdə Azərbaycan Respublikası Prezidentinin xüsusi nümayəndəliklərinin dəstəyi ilə fləş-mob keçirilib.
Dövlət Komitəsindən AZƏRTAC-a bildirilib ki, fləş-mobda Qarabağa və Şərqi Zəngəzura geri qayıdan sakinlər iştirak ediblər.
Doğma yurdlarına qovuşan insanların daxili sevincinin və ruh yüksəkliyinin nümayiş olunduğu videolayihənin əsas ideyası heç bir sözə ehtiyac duymadan, yalnız insan simalarındakı ifadə ilə Böyük Qayıdışın yaratdığı saf və gözəl duyğuları çatdırmaqdır. Ağbirçək nənələrin və ağsaqqal babaların illər sonra tapdıqları mənəvi rahatlıq, gənclərin gələcəyə olan inamı, uşaqların doğma torpaqdakı qayğısız gülüşləri kadrda birləşir.
Bölmənin digər xəbərləri
