ÇİNLİ HƏMKARLARLA TƏCRÜBƏ MÜBADİLƏSİ
Gənclər, idman və turizm nazirinin müavini İntiqam Babayev başda olmaqla nümayəndə heyəti Ümumçin Gənclər Federasiyasının dəvəti ilə ÇXR-də səfərdə olmuşdur. Nazirliyin mətbuat mərkəzindən bildirmişlər ki, səfərdən əsas məqsəd gənclərlə bağlı siyasət sahəsində çinli həmkarlarla təcrübə mübadiləsi aparmaq və ikitərəfli əlaqələr yaratmaq idi. Səfər zamanı Ümumçin Gənclər Federasiyasında, Dövlət İdman Baş İdarəsində, Dövlət Turizm İdarəsində, Ümumçin Qadınlar Federasiyasında və bir sıra digər təşkilatlarda keçirilən görüşlərdə nazirliyin fəaliyyəti, gənclərin sosial-iqtisadi problemlərinin həlli yolları, Azərbaycan idmançılarının uğurları barədə məlumat verilmişdir. İkitərəfli əməkdaşlığın inkişafı, o cümlədən birgə uşaq istirahət düşərgələrinin təşkil edilməsi məsələləri də müzakirə olunmuşdur.
Bölmənin digər xəbərləri
