Donald Tramp: “Biz Putinlə görüşməliyik”
Vaşinqton, 16 may, AZƏRTAC
ABŞ Prezidenti Donald Tramp Ukraynadakı müharibəyə son qoyulmasını müzakirə etmək üçün Rusiya prezidenti Vladimir Putinə zəng edə biləcəyini bildirib.
AZƏRTAC-ın CNN-ə istinadən verdiyi məlumata görə, bu barədə Tramp Yaxın Şərq səfərinin yekununda təyyarədə jurnalistlərə açıqlamasında deyib.
O bildirib ki, bu məsələnin həlli üçün Putinlə görüşməlidir və bu görüş nə qədər tez təşkil edilsə, o qədər tez baş tutacaq.
"Düşünürəm ki, biz bunu həll edəcəyik. Ola bilsin, edə bilməyəcəyik, amma ən azından artıq bunu biləcəyik. Əgər həll etməsək, çox maraqlı olacaq”,- deyə ABŞ Prezidenti əlavə edib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
