Donald Tramp: Mən daha da ehtiyatlı olmuşam
Bakı, 1 oktyabr, AZƏRTAC
ABŞ Prezidenti Donald Tramp sabiq prezident Co Baydeni yenidən tənqid edərək bildirib ki, o, dəfələrlə pilləkənlərdən yıxılıb.
AZƏRTAC xəbər verir ki, ABŞ hərbi rəhbərliyi ilə görüşdə Donald Tramp artıq daha ehtiyatlı olduğunu vurğulayıb.
“Mən çox yavaş yeriyirəm. Heç kim rekord qırmaq istəmir. Sadəcə çalışıram yıxılmayım, çünki bu, yaxşı alınmır. Bir neçə prezidentimiz yıxılıb və bu, onların irsinin bir hissəsinə çevrilib”, – deyə o bildirib.
Qeyd edək ki, ABŞ Prezidenti Cerald Ford 1975-ci ildə prezident təyyarəsinin pilləkənindən yıxıldıqdan sonra bu hadisə “Saturday Night Live” proqramında komediya ustası Çevi Çeyz tərəfindən əbədiləşdirilmişdi. Aktyor sonrakı Ford parodiyalarında daim büdrəyir və yıxılırdı.
Bölmənin digər xəbərləri
