İkinci Qarabağ müharibəsindən sonra mina qurbanlarının sayı 388-ə çatıb
Bakı, 4 aprel, AZƏRTAC
"İkinci Qarabağ müharibəsindən sonra mina qurbanlarının sayı 388-ə çatıb. Onlardan 70-i həlak olub, 318-i isə xəsarət alıb".
AZƏRTAC xəbər verir ki, bu sözləri Azərbaycan Respublikası Minatəmizləmə Agentliyinin (ANAMA) İdarə Heyətinin sədri Vüqar Süleymanov 4 Aprel - Beynəlxalq Mina Xəbərdarlığı və Mina Təhlükəsi ilə Mübarizəyə Yardım Günü ilə bağlı təşkil olunmuş oyundan sonra jurnalistlərə açıqlamasında deyib.
Onun sözlərinə görə, 1991-ci ildən bu günə kimi 3400 nəfərdən çox insan minadan zərər çəkib: "Onlardan 359 nəfəri azyaşlı və gənc, 38 nəfəri qadınlardır. Mina təhlükəsi qlobal problemdir. 2020-ci ildən bu günədək 191 555 hektar ərazi minadan təmizlənib. Bu təmizləmə əməliyyatları nəticəsində 36 mindən çox piyada əleyhinə, 21 mindən çox tank əleyhinə mina, 133 mindən çox partlamış hərbi sursat aşkar edilərək zərərsizləşdirilib".
Bölmənin digər xəbərləri
