Bakı, 27 may (AZƏRTAC). Fransanın “Eurovision-2012” mahnı müsabiqəsindəki təmsilçisi Anqun yarışmanın finalında “Baku Crystal Hall”un səhnəsinə 9-cu çıxmışdır.

AZƏRTAC xəbər verir ki, 37 yaşlı xanım müğənni İndoneziyanın Cakarta şəhərində anadan olmuşdur.

Uşaq yaşlarından oxumağa başlayan Anqunun “Snow in the Sahara” adlı albomu dünyanın 30 ölkəsində, o cümlədən ABŞ-da buraxılmışdır. Müğənni Avropada musiqi albomu 2 milyon nüsxədə satılmış məşhur ulduzlardan biridir. Anqun Fransanın son onillikdə ən çox fransız dilində ifa edən müğənnisidir. O, həmçinin BMT-nin dünyadakı aclığa qarşı mübarizə aparan xoşməramlı səfiridir.

Xanım müğənninin bu yaxınlarda “Echo (You&I)” adlı yeni albomu işıq üzü görmüşdür.