Tərtər rayonunda üç ədəd “AKM” markalı avtomat silah aşkarlanıb
Bakı, 31 yanvar, AZƏRTAC
Tərtər rayonunda silah-sursat aşkarlanıb.
Daxili İşlər Nazirliyinin mətbuat xidmətinin Bərdə regional qrupundan AZƏRTAC-a bildiriblər ki, Tərtər Rayon Polis Şöbəsinin və Azərbaycan Respublikasının Minatəmizləmə Agentliyinin (ANAMA) əməkdaşlarının birgə keçirdikləri tədbirlər zamanı rayonun işğaldan azad edilmiş Suqovuşan kəndi ərazisində yerləşən körpülərinin birinin altından 3 ədəd “AKM” markalı avtomat silah aşkarlanaraq götürülüb. Həmin silahlar aidiyyəti üzrə təhvil verilib.
Bu istiqamətdə tədbirlər davam etdirilir.
Bölmənin digər xəbərləri
