ELM VƏ TƏHSİL
ÜMUMTƏHSİL MƏKTƏBLƏRİNDƏ MÜVAFİQ PROQRAMLAR ÜZRƏ MAARİFLƏNDİRMƏ MƏŞĞƏLƏLƏRİ KEÇİRİLƏCƏK
Təhsil Nazirliyi ilə “Procter & Gembl” şirkəti arasında bağlanmış müvafiq müqavilələrə əsasən bu ay ümumtəhsil məktəblərinin II sinif şagirdləri arasında “Ağız boşluğunun gigiyenası və ona qulluq sahəsində məktəb şagirdlərinin bilik səviyyəsinin artırılması” və VII-VIII sinif şagirdləri arasında ”Şəxsi gigiyena və sanitariya sahəsində yeniyetmə qızların bilik səviyyəsinin yüksəldilməsi” proqramları üzrə maarifləndirmə məşğələlərinin keçirilməsi nəzərdə tutulmuşdur.
Təhsil Nazirliyindən AZƏRTAC-a bildirmişlər ki, həmin proqramlar üzrə maarifləndirmə məşğələləri “Procter & Gembl” şirkətinin təqdim etdiyi cədvələ müvafiq Bakı, Sumqayıt, Gəncə, Mingəçevir və Əli Bayramlı şəhərlərinin, Quba, Qusar və Xaçmaz rayonlarının ümumtəhsil məktəblərində keçiriləcəkdir.