İQTİSADİYYAT


"WorldFood Moscow"da Azərbaycan stendini 1000-dən çox şirkətin nümayəndəsi ziyarət edib

Bakı, 13 sentyabr, AZƏRTAC

"WorldFood Moscow" Beynəlxalq Ərzaq Sərgisinin ilk 2 günü ərzində Rusiya Federasiyası və tədbir iştirakçısı olan digər ölkələrin 1000-dən çox şirkətinin nümayəndəsi Azərbaycan pavilyonunu ziyarət edib.

İqtisadiyyat Nazirliyinin mətbuat xidmətindən AZƏRTAC-a bildiriblər ki, "Made in Azerbaijan" vahid ölkə stendini ziyarət edən xarici şirkət nümayəndələri yerli məhsullarımız, onların istehsal və hazırlanma texnologiyası, ixrac imkanları ilə maraqlanıb, əməkdaşlığa dair müzakirələr aparıblar.

"WorldFood Moscow" Beynəlxalq Ərzaq Sərgisində ölkəmizin "Made in Azerbaijan" vahid ölkə stendinə sərgi ziyarətçiləri və tədbir iştirakçısı olan ölkələrin şirkətləri tərəfindən böyük maraq göstərilir.

Qeyd edək ki, Azərbaycanın eksklüziv partnyor olduğu "WorldFood Moscow" sərgisində ölkəmizin 30-dan çox ixracatçı şirkətinin istehsalı olan meyvə şirələri, təbii mineral sular, şərab və spirtli içkilər, meyvə-tərəvəz, süd məhsulları, çay, fındıq, qənnadı məmulatları və konservləşdirilmiş qidalar nümayiş olunur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.