İDMAN


AFFA bir neçə klubu cərimələyib

Bakı, 22 avqust, Nicat Məmmədov, AZƏRTAC

Futbol üzrə Azərbaycan Premyer Liqasının birinci turu ilə əlaqədar AFFA-nın İntizam Komitəsinin iclası keçirilib.

AZƏRTAC Peşəkar Futbol Liqasının rəsmi saytına istinadla xəbər verir ki, iclasda bir sıra qərarlar qəbul olunub.

Birinci turun “Keşlə”–“Qarabağ” matçında meydan sahibi komandanın futbolçusu Emin Mehtiyev ikinci sarı vərəqə alaraq meydandan kənarlaşdırıldığı üçün 1 oyun cəzalanıb və klub 200 manat cərimə edilib.

“Qəbələ”ni qəbul edən “Sumqayıt”ın 5 futbolçusu sarı vərəqə ilə cəzalandığı üçün klub 800, qonaq komandanın üzvü Asif Məmmədov ikinci sarı vərəqə alaraq meydandan kənarlaşdırıldığı üçün 1 oyun cəzalanıb və 200 manat cərimə olunub. Oyun başa çatdıqdan sonra “Qəbələ” klubunun azarkeşi tunelə daxil olaraq hakimlər briqadasını təhqir etdiyi üçün meydan sahibi 4 min manat cərimələnib. Matç “Sumqayıt”ın günahı səbəbindən 9 dəqiqə gec başladığı üçün klub 800 manat cərimə ödəyəcək.

“Neftçi”–“Sabah” matçında qonaq komandanın 4 futbolçusu sarı vərəqə ilə cəzalandığı üçün klub 800 manat cərimə olunub.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.