DÜNYA


Yaponiya və ABŞ Yapon dənizi üzərində döyüş təyyarələrinin iştirakı ilə birgə təlimlər keçirib

Tokio, 26 may, AZƏRTAC

Yaponiya özünümüdafiə qüvvələrinin və ABŞ hərbçiləri mayın 25-də Yapon dənizi üzərində döyüş təyyarələrinin iştirakı ilə birgə təlimlər keçiriblər.

AZƏRTAC xəbər verir ki, bu barədə Yaponiya özünümüdafiə qüvvələrinin qərargah rəislərinin birləşmiş komitəsi məlumat yayıb.

Qeyd edilir ki, Yaponiya tərəfdən təlimlərdə dörd F-15, ABŞ tərəfdən isə dörd F-16 qırıcısı iştirak edib. Bildirilir ki, təlimlərin məqsədi təhdidlərə tez bir vaxtda reaksiya vermək, həmçinin Yaponiya-ABŞ alyansını daha da möhkəmləndirməkdir.

Kyodo agentliyinin yazdığına görə, Yaponiya və ABŞ bu təlimlərlə Şimali Koreyaya mayın 25-də keçirdiyi növbəti raket sınaqlarına görə xəbərdarlıq edir.

Vüqar Ağayev

AZƏRTAC-ın xüsusi müxbiri

Tokio

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.