DÜNYA


ABŞ-da yeni antirekord: koronavirusa 63.200 yeni yoluxma qeydə alınıb

Vaşinqton, 11 iyul, AZƏRTAC

Son bir həftədə Birləşmiş Ştatlarda üçüncü dəfə gün ərzində COVID-19 koronavirusuna yoluxma hallarının sayına görə antirekord nəticə qeydə alınıb.

AZƏRTAC xəbər verir ki, bu dəfə gün ərzində yoluxanların sayı 63.000-dən çox olub.

Cons Hopkins Universitetindən olan tədqiqatçıların cümə günü dərc etdikləri yenilənmiş məlumatdan görünür ki, cümə axşamı Amerika Birləşmiş Ştatlarında 63.200-ə yaxın yeni yoluxma halı qeydə alınıb. Bu, çərşənbə axşamı müəyyən edilmiş əvvəlki rekorddan təqribən 3.000 fakt qədər çoxdur.

Cons Hopkins Universitetinin məlumatına görə, indiyə qədər ABŞ-da təqribən 3,2 milyon yoluxma və 133.300 ölüm halı qeydə alınıb.

Florida ştatının administrasiyası cümə axşamı 120 ölüm və 9 min yeni yoluxma faktını qeydə alıb. Bu göstərici əvvəlki günlərlə müqayisədə (bundan əvvəlki rekord 10.000 hadisədən çox olub) bir qədər azdır.

Ştatın Səhiyyə Departamentinin məlumatına görə, Floridanın əhalisi ən sıx olan Mayami-Deyd dairəsində koronavirusa yoluxanların sayı cümə axşamı 33,5 faiz artıb.

AZƏRTAC-ın Vaşinqton bürosu

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.