CƏMİYYƏT


ABŞ səfirliyinin dəstəyi ilə keçirilən təlim proqramında xanımlar liderlik bacarıqlarını təkmilləşdiriblər

Bakı, 3 noyabr, AZƏRTAC

Noyabrın 3-də “WoWoman in Me” proqramının ikinci hissəsi başa çatıb. Beş həftəlik təlim proqramında xanımların liderlik bacarıqları təkmilləşdirilib.

AZƏRTAC xəbər verir ki, “WoWoman Azərbaycan” proqramı ABŞ-ın Bakıdakı səfirliyi tərəfindən dəstəklənib. Proqram çərçivəsində qadınlara karyera məqsədlərini müəyyənləşdirmək və onlara işlərində uğurlar əldə etmək üçün lazım olan bacarıqlar öyrədilib. “WoWoman Azərbaycan” Qadınların Gücləndirilməsi Platformasına Bakıdan 40, bölgələrdən 10 olmaqla 50 xanım cəlb olunub. Gənc xanımlara qrup işi, liderlik, ünsiyyət, sahibkarlıq zehniyyətlərinin araşdırılması ilə bağlı təlimlər keçirilib.

“Wowoman Azərbaycan” platformasının təsisçisi Zara Hüseynova bildirib ki, proqram Harvard, Stanford, Massaçusets Texnologiya İnstitutu və digər universitetlərə uyğun konfrans, tədbir və təlimlərə uyğun təşkil olunub.

“WoWoman Azərbaycan” şirkətinin baş direktoru Arzu Ağazamanovanın sözlərinə görə, bu, iştirakçılar üçün təşkil olunan mükəmməl bir proqramdır. Təlimlərin nəticəsi olaraq, iştirakçı xanımlar mükafatlandırılıblar. Qeyd edək ki, “WoWoman”, həmçinin "WoWoman Azerbaijan" Facebook qrupu vasitəsilə azərbaycanlı qadınlarla dialoqun gücləndirilməsini və dəstəklənməsini davam etdirir.

“WoWoman” təxminən dörd il əvvəl Azərbaycanda yaradılıb və 50 nəfərlik qadın qrupu cəlb olunub. Bu qadınlara 200-dən çox tədbir, treninq, seminar və ustad dərsləri keçirilib. Bundan başqa, xanımlar üçün IT məktəbi, sahibkarlıq proqramları, o cümlədən yoqa sinifləri təşkil edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.