CƏMİYYƏT


ADRA 458 reklam qurğusunda peyvəndlənmə ilə bağlı sosial reklamların yayımını təmin edib

Bakı, 21 iyun, AZƏRTAC

COVID-19 pandemiyasından əvvəl yaşadığımız həyatın geri qayıtması üçün edə biləcəyimiz ən vacib işlərdən biri vaksinasiyadır.

İnsanların diqqətini bu vacib məsələyə yönəltmək üçün Azərbaycan Respublikasının Dövlət Reklam Agentliyi (ADRA) aidiyyətı mövzuda indiyədək ümumilikdə açıq məkandakı 458 reklam qurğusunda sosial reklamların yayımını təmin edib. ADRA-nın Strateji inkişaf və kommunikasiya şöbəsindən AZƏRTAC-a bildirilib ki, bu reklamlar əsasən insanların sıx olduğu ərazilərdəki monitor, bilbord, roller, köşklər və digər reklam daşıyıcılarında yayımlanır. Səhiyyə Nazirliyi, İcbari Tibbi Sığorta Agentliyi və Tibbi Ərazi Bölmələrinin İdarəetmə Birliyinin (TƏBİB) birgə həyata keçirdiyi vaksinasiya üçün təbliğat kampaniyasına görə nəzərdə tutulan açıq məkan reklamlarında əsas mesaj ondan ibarətdir ki, nə qədər çox insan peyvənd olunsa, biz öncəki – darıxdığımız həyata bir o qədər də tez qayıda bilərik. Peyvəndlənməni təbliğ edən sosial reklamların açıq məkanda yayımı hazırda da davam etdirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.