İDMAN


AĞAYAR AXUNDZADƏ: ƏVVƏLKİ YAY OLİMPİYA OYUNLARINDA DA KOMANDAMIZ YAXŞI ÇIXIŞ ETMİŞDİR

AZƏRTAC xəbər verir ki, bu sözləri Pekin Yay Olimpiya Oyunlarında idmançılarımızın çıxışlarını qiymətləndirən cüdo üzrə Azərbaycan milli komandasının baş məşqçisi Ağayar Axundzadə demişdir.

Baş məşqçi vurğulamışdır ki, cüdoçularımızın Pekin Olimpiadasında qazandığı bir qızıl, bir bürünc medal yüksək nəticədir. Bununla belə, əvvəlki Olimpiya oyunlarında da komandamız yaxşı çıxış etmişdir. XXIX Pekin Yay Olimpiya Oyunlarında ölkəmizə yeganə qızıl medalı qazandıran Elnur Məmmədli əsl cüdo döyüşü nümayiş etdirmişdir.

Axundzadə demişdir ki, adi tamaşaçı da olimpiya çempionumuzun çıxışından həzz alırdı. Yarışın keçirildiyi zalda olan məşqçilər və mütəxəssislər bizi təbrik edirdilər. Elnurun keçirdiyi görüşlərin beşində də ippon fəndi işlədərək, vaxtından əvvəl qalib gəlmişdir.

Ağayar Axundzadənin sözlərinə görə, indiki heyət üzvlərinin əksəriyyəti yığmada qalacaqdır. Onlara gənc cüdoçular da qoşulacaqlar və biz qarşıdakı Olimpiadaya daha ciddi hazırlaşacağıq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.