İQTİSADİYYAT


AZPROMO nümayəndələri “INNOPROM-2022” sərgisində bir sıra görüşlər keçiriblər

Bakı, 5 iyul, AZƏRTAC

İxracın və İnvestisiyaların Təşviqi Agentliyinin (AZPROMO) nümayəndələri Rusiyanın Yekaterinburq şəhərində keçirilən “INNOPROM-2022” XII Beynəlxalq Sənaye Sərgisində iştirak edirlər.

AZPROMO-dan AZƏRTAC-a bildirilib ki, qurumun nümayəndələri Rusiya şirkətlərinin stendləri ilə tanış olub, bir sıra görüşlər keçiriblər. Görüşlərdə Azərbaycanda yaradılmış əlverişli biznes və investisiya mühiti, investisiya və biznes sahələrində əməkdaşlıq imkanları barədə fikir mübadiləsi aparılıb.

Qeyd edək ki, iyulun 7-dək davam edəcək sərgi “Sənaye keçidi: Çağırışlardan yeni imkanlara doğru” mövzusunda keçirilir. Tədbirdə rəsmi şəxslərlə yanaşı Rusiyanın 60-dan çox regionunun və dünyanın 30-dan çox ölkəsinin biznes və ictimai təşkilatlarının nümayəndələri iştirak edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.