ELM VƏ TƏHSİL


Ədəbiyyat İnstitutu əməkdaşının beynəlxalq folklor festivalında məruzəsi maraqla qarşılanıb

Bakı, 29 sentyabr, AZƏRTAC

Rusiyanın Elista şəhərində “Dünya eposları Canqar nəsillərinin torpaqlarında” mövzusunda keçirilən beynəlxalq folklor festivalında Azərbaycanı AMEA-nın Nizami Gəncəvi adına Ədəbiyyat İnstitutunun Şifahi xalq ədəbiyyatı və ədəbi abidələr şöbəsinin kiçik elmi işçisi dissertant Orxan İsayev təmsil edib.

AMEA-dan AZƏRTAC-a bildirilib ki, o, festival çərçivəsində təşkil olunan “Dünya eposları: düşüncələr, fikirlər, mülahizələr” adlı elmi-dəyirmi masada “Kitabi-Dədə Qorqud: Qafqazdan Mesopotamiyaya qədər” mövzusunda məruzə ilə çıxış edib. Məruzə konfrans iştirakçıları tərəfindən böyük maraqla qarşılanıb.

Orxan İsayev festivalın sonuncu günü “Rossiya” televiziya kanalının Kalmıkiya şöbəsinin əməkdaşına müsahibə verərək bu cür tədbirlərin əhəmiyyətindən danışıb, Ədəbiyyat İnstitutunda folklorla bağlı aparılan tədqiqatlar haqqında Rusiya elmi ictimaiyyətinə məlumat verib.

Ənənəvi təşkil olunan festivalda Rusiyada yaşayan xalqların, eləcə də Qazaxıstan, Qırğızıstan, Özbəkistan, Suriya və digər ölkələrin nümayəndələri iştirak ediblər.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.