CƏMİYYƏT


Ağdaş rayonunda koronavirus xəstələri ictimai yerlərdə saxlanılıblar

Bakı, 4 dekabr, AZƏRTAC

Ağdaş Rayon Polis Şöbəsinin əməkdaşlarının keçirdikləri nəzarət-yoxlama tədbirləri zamanı aktiv koronavirus xəstələri ictimai yerlərdə aşkarlanaraq saxlanılıblar.

Daxili İşlər Nazirliyinin mətbuat xidmətinin Şəki regional qrupundan AZƏRTAC-a bildirilib ki, şəhər sakini Aysel Musayevanın və rayonun Qoşaqovaq kənd sakini Ayaz Hacıyevin COVID-19 testlərinin nəticələri pozitiv olduğu üçün onlara ev şəraitində müalicə təyin edilib, sanitar-karantin qaydalarına riayət etmələri tapşırılıb. Lakin həmin şəxslər qaydaları kobud şəkildə pozub və polis əməkdaşları ictimai yerlərdə hərəkətdə olarkən onları saxlayıblar. Onlarla izahedici söhbətlər aparıldıqdan sonra yaşadıqları ünvanlara geri qaytarılıblar.

Hər iki şəxs barəsində Ağdaş Rayon Polis Şöbəsində araşdırma aparılır.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.