REGİONLAR


Ağdaşda min hektardan çox sahədə tərəvəz əkini aparılıb

Ağdaş, 1 iyul, AZƏRTAC 

Ağdaş rayonunda tərəvəz əkini başa çatmaqdadır və artıq min hektardan çox sahədə əkin aparılıb.

Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildirilib ki, torpaq mülkiyyətçiləri daha çox xiyar, pomidor, bibər, sarımsaq, badımcan, yaşıl lobya, kartof əkininə üstünlük verirlər. Tərəvəz rayonun bütün ərazi bölgələrində, xüsusilə Güvəkənddə (122 hektar), Qaradağlıda (72 hektar), Xosrovda (67 hektar), Mehrəxəlildə (50 hektar), Gürcüvada (43 hektar) və sair əkilib.

Qeyd edək ki, torpaq sahibləri artıq tərəvəz məhsullarının istehsalına da başlayıblar. Rayon üzrə hələlik 106,3 hektar yaşıl lobya sahəsindən 308,3 ton, 193,5 hektar kələm sahəsindən 2300,3 ton, 75 hektar bibər sahəsindən 23,6 ton, 254,7 hektar xiyar sahəsindən 3565,8 ton, 87,1 hektar badımcan sahəsindən 185,3 ton məhsul götürülüb. Tədarük olunan tərəvəz yerli bazarlara çıxarılır, habelə yaxın xarici ölkələrə göndərilir.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.