REGİONLAR


Ağsuda Ulu Öndərə həsr olunan sərgi açılıb

Ağsu, 7 may, AZƏRTAC

Ağsuda Heydər Əliyev Mərkəzinin təşkilatçılığı ilə Ulu Öndərin adını daşıyan parkda ümummilli lider Heydər Əliyevin anadan olmasının 99-cu ildönümünə həsr edilən məktəblilərin əl işlərindən ibarət sərgi təşkil olunub.

AZƏRTAC-ın bölgə müxbiri xəbər verir ki, sərginin ziyarətçiləri əvvəlcə parkda ulu öndər Heydər Əliyevin abidəsini ziyarət edib, önünə gül dəstələri düzüblər. Sərgiyə gələnlər Heydər Əliyev Mərkəzində böyük rəhbərin ömür yolunu əks etdirən eksponatlar və fotoşəkillərlə tanış olublar.

Sonra gənc istedadların Ulu Öndərə həsr etdikləri sərginin təqdimatı keçirilib.

Rayon məktəblilərinin, məktəbdənkənar təhsil müəssisələrinin dərnək üzvlərinin, həvəskar gənc rəssamların və tədbirə dəvət olunan Kürdəmir regional “ASAN Xidmət” Mərkəzinin könüllülərinin təsviri incəsənət, dekorativ tətbiqi sənət, bədii-tikmə üzrə 100-dən çox əl işi nümayiş olunub.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.