CƏMİYYƏT


Ahıl yaşda kişiyə qohumunun böyrəyi köçürülüb

Bakı, 13 dekabr, AZƏRTAC

Respublika Müalicəvi Diaqnostika Mərkəzinin (RMDM) böyrək xəstəlikləri və transplantologiya şöbəsində növbəti riskli əməliyyat uğurla nəticələnib. Klinikaya ağır vəziyyətdə daxil olan ahıl yaşda xəstəyə qohumunun böyrəyi köçürülüb. Əməliyyat şöbə müdiri, cərrah-uroloq-transplantoloq, tibb üzrə fəlsəfə doktoru Rəşad Şolan tərəfindən icra olunub.

RMDM-dən AZƏRTAC-a bildiriblər ki, çox sayda şikayətlərin olması nəzərə alınaraq, əməliyyat həyat göstəricilərinə görə aparılıb. Belə ki, xroniki böyrək çatışmazlığı ilə yanaşı, xəstə ürəyin işemik xəstəliyindən də əziyyət çəkib. Şöbə müdirinin rəhbərliyi altında cərrahlar və nefroloqlar qrupunun zəruri hazırlığından sonra icra olunan əməliyyat uğurla başa çatıb və ahıl yaşında kişi həyata qaytarılıb.

Əməliyyatın mürəkkəbliyi pasiyentin yaş göstəricisinə və yanaşı mövcud ürək-damar sisteminin xəstəliklərinə də bağlı olub.

R.Şolanın sözlərinə görə, xəstə əməliyyata qədər olan hemodializ seanslarını çox ağır keçirib.

Artıq resipiyent və donor yaxşı vəziyyətdə evə yazılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.