ELM VƏ TƏHSİL


Akademik Kamal Abdullaya Piteşti Universitetinin fəxri doktoru adı təqdim olunacaq

Bakı, 7 oktyabr, AZƏRTAC

Azərbaycan Dillər Universitetinin (ADU) rektoru akademik Kamal Abdulla Rumıniyanın Piteşti Universitetinin fəxri doktoru seçilib.

ADU-dan AZƏRTAC-a bildirilib ki, bununla bağlı Kamal Abdulla Piteşti Universitetinin rektoru Dumitru Kirleşan tərəfindən Rumıniyaya dəvət olunub. Bu ali təhsil ocağı tərəfindən göndərilən məktubda qeyd olunub ki, o, iki ölkə arasında təhsil və elm münasibətlərinin inkişafındakı xidmətlərinə, eyni zamanda, rumın dilinin ADU-da yüksək səviyyədə tədrisinə, bu ölkənin mədəniyyətinin təbliğindəki müstəsna roluna görə bu fəxri ada layiq görülüb.

Rektor Kamal Abdulla və ADU-nun Mərkəzlərlə iş bölməsinin rəhbəri Anar Rəhimov oktyabrın 19-27-də Buxarest, Pteşti və İaşi şəhərlərində akademik ezamiyyətdə olacaqlar.

Səfər müddətində akademik Kamal Abdullaya Piteşti Universitetinin fəxri doktoru adı təqdim olunacaq, yazıçının “Bir, iki, bizimki” əsəri əsasında Pteşti Universitetinin tələbələri tərəfindən hazırlanan tamaşanın premyerası da keçiriləcək. Kamal Abdulla, eyni zamanda, İaşi Universitetində “Azərbaycan multikulturalizmi” mövzusunda mühazirə oxuyacaq, Azərbaycan Multikulturalizm Mərkəzinin açılış mərasimində iştirak edəcək.

Oktyabrın 25-də İaşi Universitetinin rektoru ilə ADU-nun rektoru arasında anlaşma memorandumu imzalanacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.