MƏDƏNİYYƏT


Akademik Musiqili Teatrın saytı yenilənib

Bakı, 19 noyabr, AZƏRTAC

Azərbaycan Dövlət Akademik Musiqili Teatrının veb-saytı – https://musiqiliteatr.az/ yenilənərək istifadəyə verilib.

Teatrın mətbuat xidmətindən AZƏRTAC-a bildirilib ki, müasir dövrün tələblərinə cavab verən, son texnologiyaları dəstəkləyən yeni dizaynla tərtib olunan saytda teatrın yaranma və inkişaf tarixi, sənət ocağında çalışan yaradıcı və bədii-texniki heyətin tərkibi barədə ətraflı məlumatlar, o cümlədən teatrda həyata keçirilən müxtəlif layihələr haqqında geniş xəbərlər yer alıb.

Azərbaycan və ingilis dillərində fəaliyyət göstərən və bir neçə bölmədən ibarət olan saytda nümayişi nəzərdə tutulan tamaşaların aylıq repertuar cədvəli, proqramları və afişaları, həmçinin video və foto qalereyaları yerləşdirilib.

Saytı izləyən hər kəs teatr haqqında daha ətraflı və zəngin məlumatlar əldə edə və eyni zamanda, tamaşa biletlərini onlayn sifariş verə bilər.

Qeyd edək ki, son 10 ildə artıq 3-cü dəfədir ki, teatrın saytı dövrün tələbinə uyğun şəkildə yenilənir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.