CƏMİYYƏT


Əlcəzair portalı Qoşulmama Hərəkatı Gənclər Sammitinin Şuşa sessiyasından yazıb

Qahirə, 31 iyul, AZƏRTAC

Əlcəzairin “Əl Hərir” portalında Qoşulmama Hərəkatı (QH) Gənclər Sammitinin Şuşa sessiyası haqqında AZƏRTAC-ın ərəb dilində xəbəri yayımlanıb.

Ərəbdilli oxucuların diqqətinə çatdırılıb ki, Sammit iştirakçıları Bakı sessiyasında razılaşdırdıqları sənədləri Şuşada qəbul ediblər. Şuşa Akkordu (Şuşa razılaşması) kimi adlandırılan sənədə əsasən, Azərbaycan Respublikasının Prezidenti İlham Əliyevin Qoşulmama Hərəkatının sədri qismində təşəbbüsü ilə 2021-ci il oktyabrın 4-də təsis edilmiş Qoşulmama Hərəkatı Gənclər Şəbəkəsi əsasında Qoşulmama Hərəkatının Gənclər Təşkilatı yaradılıb. Daimi katibliyi Bakı şəhərində yerləşəcək Qoşulmama Hərəkatı Gənclər Təşkilatının nizamnaməsi və təşkilatın loqo və bayrağı da Sammitin Şuşa sessiyası çərçivəsində təsdiq edilib.

Portalda, həmçinin Sammitdə Sudanı təmsil edən Mustafa Əbdel Halim Mahmudun bu mötəbər tədbirin əhəmiyyəti barədə AZƏRTAC-a verdiyi müsahibə də yayımlanıb. 

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.