SİYASƏT


Ali Radanın deputatı: Prezidentlərin bəyanatı Ukrayna və Azərbaycan xalqları arasında möhkəm dostluğa inamdan xəbər verir

Kiyev, 15 yanvar, AZƏRTAC

Azərbaycan və Ukrayna prezidentlərinin Kiyevdə çoxdan gözlənilən görüşü çox uğurlu oldu. Prezidentlərin bəyanatı Ukrayna və Azərbaycan xalqları arasında möhkəm dostluğa inamdan xəbər verir.

Bu sözləri AZƏRTAC-a müsahibəsində Ukrayna-Azərbaycan Parlamentlərarası dostluq qrupunun həmsədri Valeriy Kolyux deyib.

Deputat bildirib ki, Azərbaycan və Ukrayna yeni geosiyasi çağırışlar fonunda ikitərəfli münasibətləri nəinki indiki səviyyədə saxlamağın, həm də hərtərəfli inkişaf etdirməyin vacib olduğunu anlayır.

“Ölkələrimiz arasında kənd təsərrüfatı, energetika və ticarət sahələrində əməkdaşlığı gücləndirən altı sənədin imzalanması pandemiyanın Bakı ilə Kiyev arasında iqtisadi, siyasi əməkdaşlığın aktuallığını və əhəmiyyətini aşağı salmadığının sübutudur”, - deyə deputat əlavə edib.

Valeriy Kolyux bildirib ki, ölkələrimiz arasında diplomatik münasibətlərin qurulmasının 30 illiyi ərəfəsində Azərbaycan və Ukrayna prezidentlərinin görüşü özlüyündə simvolik xarakter daşıyır.

“Bundan sonra ölkələrimizin Ukraynada “Böyük Tikinti” proqramında, Azərbaycanda Qarabağın infrastruktur layihələrində yeni birgə uğurlara imza atacağına əminəm”, - deyə Valeriy Kolyux vurğulayıb.

Emil Hüseynli

AZƏRTAC-ın xüsusi müxbiri

Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.