DÜNYA


Almaniya hökumətinin AES tullantılarına səhlənkar münasibəti ölkə vətəndaşlarını təşvişə salır

Berlin, 18 noyabr, AZƏRTAC

Almaniyada bu ölkənin atom elektrik stansiyalarındakı elektrik enerjisi tullantılarının başqa dövlətlərin ərazisinə aparılmasına qarşı silsilə mitinqlər keçirilib. AZƏRTAC xəbər ki, etirazçılar qatarların təhlükəli yüklə yola salınması əleyhinə çıxırlar.

Tullantılar əsasən Sibirdəki poliqonlar üçün nəzərdə tutulub. Ekologiya fəallarını da məhz bu fakt narahat edir. Onların fikrincə, Rusiya “Avropanın radioaktiv zibilliyi”nə çevrilməməlidir, çünki bu rusiyalılara münasibətdə ədəbsizlikdir.

Maraqlıdır ki, ekologiya fəalları ilk dəfə deyil ki, belə aksiyalar təşkil edirlər. Məsələn, 10 il əvvəl onlar tullantıların Rusiyaya aparılmasının qarşısını ala biliblər. Mitinqçilərin təşvişinin səbəbi budur ki, tullantılar ölkə ərazisindən çıxarılandan sonra Berlin onların necə saxlanması və emal olunması ilə maraqlanmır. Mitinq iştirakçılarından biri AZƏRTAC-ın xüsusi müxbirinə müsahibəsində lakonik şəkildə belə cavab verib: “Yer kürəsi təkdir və nəticələr dünyanın hər hansı nöqtəsində əks-səda doğura bilər”.

Vüqar Seyidov

AZƏRTAC-ın xüsusi müxbiri

Berlin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.