SİYASƏT
Anadolu Agentliyi: Heydər Əliyev böhran vəziyyətində olan Azərbaycanda hakimiyyətə gələrək sabitliyə və iqtisadi inkişafa qapılar açdı
Ankara, 10 may, AZƏRTAC
Türkiyənin Anadolu Agentliyi Azərbaycan xalqının ümummilli lideri Heydər Əliyevin anadan olmasının 99-cu ildönümü münasibətilə infoqrafika yayıb.
AZƏRTAC xəbər verir ki, “Azərbaycanın memarı Heydər Əliyev: 1923-2003” sərlövhəsi ilə xüsusi dizaynla hazırlanmış infoqrafikada ümummilli lider Heydər Əliyevin zəngin mənalı bioqrafiyası barədə türkdilli ictimaiyyətə geniş məlumat verilir.
İnfoqrafikanın girişində yazılır: “Azərbaycanın memarı Heydər Əliyev dövlət müstəqilliyi qazanılandan sonra vətəndaş müharibəsi təhlükəsi, Birinci Qarabağ savaşı və iqtisadi böhranla üz-üzə qalan Azərbaycanda hakimiyyətə gələrək ölkəsində sabitliyə və iqtisadi inkişafa qapılar açdı”.
Sabir Şahtaxtı
AZƏRTAC-ın xüsusi müxbiri
Ankara