İDMAN


“Arsenal” dörddəbir final mərhələsinə vəsiqə qazanıb, “İnter” isə mübarizəsini dayandırıb

Bakı, 15 mart, Nicat Məmmədov, AZƏRTAC

Martın 14-də UEFA Avropa Liqasının səkkizdəbir final mərhələsinin cavab görüşləri keçirilib.

AZƏRTAC xəbər verir ki, “İnter” doğma azarkeşlər önündə Almaniyanın “Ayntraxt” klubu ilə qarşılaşıb.

Görüşdə qonaqlar minimal hesabla qələbə qazanıb - 0:1. Milan təmsilçisi ilk oyunda səfərdə heç-heçə (0:0) edərək iki oyunun nəticəsinə əsasən turnirdə mübarizəsini dayandırıb.

İngiltərənin “Arsenal” klubu bir həftə öncə Fransada “Renn” klubuna 3:1 hesabla məğlub olmasına baxnayaraq, öz meydanında rəqibin qapısına üç cavabsız top keçirdərək növbəti mərhələyə adlayıb.

İspaniyanın “Vilyarreal” klubu öz meydanında Rusiyanın “Zenit” klubunu 2:1 hesabı ilə yenərək adını dörddəbir finalçıların cərgəsinə yazdırıb. Bu komandaların Rusiyada baş tutan görüşündə ispanlar üstün olub - 3:1.

Qeyd edək ki, UEFA Avropa Liqasının final matçı mayın 29-da Bakı Olimpiya Stadionunda keçiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.