REGİONLAR


Astarada Lənkəran sakinindən beş kiloqram narkotik aşkarlanıb

Astara, 25 iyun, Bağır Əliyev, AZƏRTAC

Astara Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində külli miqdarda narkotik vasitə aşkarlanaraq qanunsuz dövriyyədən çıxarılıb.

Daxili İşlər Nazirliyinin mətbuat xidmətinin Lənkəran regional qrupundan AZƏRTAC-ın cənub bölgəsinə verilən məlumata görə, Lənkəran şəhər sakini, narkotik vasitələrin qanunsuz dövriyyəsinə görə əvvəllər məhkum olunmuş Azad Həsənov Astara rayonu ərazisində tiryəki satdıqdan sonra cinayət başında saxlanılıb.

Polis əməkdaşları tərəfindən onun üzərinə və əlində daşıdığı sellofan torbaya baxış keçirilərkən altı bükümdə ümumi çəkisi 5,3 kiloqram tiryək aşkarlanaraq götürülüb.

Faktla bağlı araşdırmalar aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.