DÜNYA


Atlanta aeroportunda təyyarə qəzası nəticəsində dörd nəfər ölüb

Bakı, 9 oktyabr, AZƏRTAC

ABŞ-ın Atlanta şəhəri yaxınlığında tək mühərrikli “Cessna 210” təyyarəsi hava limanından qalxdıqdan dərhal sonra qəzaya uğrayıb.

AZƏRTAC ABC News teleradio kompaniyasına istinadla xəbər verir ki, təyyarə uçuş-eniş zolağına çırpılıb. Qəza nəticəsində təyyarənin göyərtəsindəki dörd nəfərin hamısı həlak olub.

Federal Mülki Aviasiya İdarəsindən verilən məlumata görə, DeKalb-Piçtri aeroportunda baş verən qəzadan sonra təyyarə alışıb. Yanğın qısa müddətdə söndürülüb.

ABŞ-ın Nəqliyyatda Təhlükəsizlik üzrə Milli Şurası insidentlə bağlı təhqiqata başlayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.