İDMAN


Avarçəkmə idmanı yenidən Xəzər sularında

Bakı, 5 dekabr, AZƏRTAC

Azərbaycan Kanoe və Avarçəkmə Federasiyası (AKAF) ölkədə avarçəkmə ənənələrinin bərpasını davam etdirir. Bölgələrdə avarçəkənlərin nümunəvi çıxışlarını təşkil edən AKAF bu dəfə Xəzər dənizində test yürüşü keçirib.

AZƏRTAC AKAF-a istinadla xəbər verir ki, federasiya yaxın gələcəkdə Xəzər dənizində avarçəkmə üzrə müxtəlif təlim-məşq toplanışları, yarışların təşkilini planlaşdırır. Bunun nəticəsində də Bakıda avarçəkmə idman növü daha da populyarlaşaraq gənclər və yeniyetmələr üçün əlçatan olacaq.

Qeyd edək ki, Azərbaycanda avarçəkmə idmanı ilə peşəkar olaraq 1930-cu ilin sonundan məhz Xəzər dənizində məşğul olunmağa başlanıb. 1933-cü ildə 3 yaxt klub istifadəyə verilib. O dövrdə Bakı buxtasında yarışan avarçəkənlərin mübarizəsini dənizkənarı bulvardan müşahidə etmək mümkün olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.