DÜNYA


Avstraliyada turistlər kimsəsiz adada qalıblar

Tokio, 14 sentyabr, AZƏRTAC 

Dörd nəfər turistdən ibarət qrup avadanlığın yığıldığı hava doldurulmuş sal vasitəsilə Avstraliyanın Kvinslend ştatındakı kimsəsiz Qloster adasına üzüblər.

AZƏRTAC News.com.au saytına istinadla xəbər verir ki, salda deşik olduğuna görə o, tezliklə batıb.

Turistlərin köməyinə Qloster adasında rabitənin olması çatıb və onlar sosial şəbəkələr vasitəsilə köməyə ehtiyacları olduqlarını bildiriblər.

“Bu, yəqin ki, çoxlarına axmaqlıq kimi gələ bilər, lakin mən və üç dostum Erli-Biç şəhərinin yaxınlığında ilişib qalmışıq. Bizim səfər üçün nəzərdə tutulan avadanlığın toplandığı hava doldurulmuş salda deşik əmələ gəldiyinə görə o batıb. Əgər yaxınlıqda kimsə varsa, bizə kömək etsin. Biz ödəniş etməyə də hazırıq”, - deyə qrup üzvlərindən biri “Facebook” səhifəsində yazıb.

Səyyahlar ertəsi gün səhər xilasedicilər tərəfindən xilas ediliblər.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.