DÜNYA


Avstriyanın xarici və daxili işlər nazirləri Türkiyəyə birlikdə səfər ediblər

Ankara, 4 iyul, AZƏRTAC

Avstriyanın xarici işlər naziri Aleksander Şallenberq və daxili işlər naziri Qerhard Karner Türkiyəyə səfər ediblər.

AZƏRTAC xəbər verir ki, Ankarada görüşlərdən sonra Türkiyənin xarici işlər naziri Mövlud Çavuşoğlu və daxili işlər naziri Süleyman Soylu avstriyalı həmkarları ilə birlikdə dördtərəfli ortaq mətbuat konfransı keçiriblər.

Diqqətə çatdırılıb ki, iki ölkə arasında əlaqələrin və əməkdaşlığın inkişafına xidmət edən bu səfərin belə formatda keçirilməsi çox faydalıdır.

Nazirlər diqqətə çatdırıblar ki, görüşlərdə insan alverinə qarşı beynəlxalq mübarizə yolları, narkotiklərin qanunsuz dövriyyəsinin qarşısının alınması, terrorizmə qarşı birgə mücadilə və s. məsələlər ətrafında müzakirələr aparılıb.

Sonra nazirlər jurnalistləri maraqlandıran sualları cavablandırıblar.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.