ELM VƏ TƏHSİL


AzTU Çinin Sindao Texniki Universiteti ilə əməkdaşlıq edəcək

Bakı, 4 dekabr, AZƏRTAC 

Çin Xalq Respublikasının Sindao Texniki Universitetinin materialşünaslıq fakültəsinin dekanı, professor Miao Jijun, dekan müavini, professor Lv Ping və professor Yu Guangming Azərbaycan Texniki Universitetində (AzTU) olublar.

AzTU-dan AZƏRTAC-a bildirilib ki, prorektor İlham Pirməmmədov qonaqlara universitet haqqında geniş məlumat verib. Son zamanlar AzTU ilə Çinin bir neçə universiteti arasında əlaqələrin qurulduğunu deyən prorektor bu görüşün əməkdaşlığın genişləndirilməsində mühüm rol oynayacağını qeyd edib.

Qonaqlar təmsil etdikləri universitet haqqında məlumat veriblər. Bildirilib ki, əməkdaşlıq üçün geniş imkanlar var və hər iki təhsil ocağında metallurgiya sahəsində mütəxəssis hazırlığı aparılır.

Sonra AzTU ilə Sindao Texniki Universiteti arasında əməkdaşlıq müqaviləsi imzalanıb. Müqavilədə universitetlər arasında tələbə və müəllim mübadiləsi, ikili diplomların verilməsi, birgə elmi tədqiqatların aparılması, konfransların və layihələrin reallaşdırılması nəzərdə tutulub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.