İDMAN


Azərbaycan Basketbol Federasiyasının əməkdaşı "FIBA Avropa"nın iclasında iştirak edib

Bakı, 5 may, AZƏRTAC

Avropa Basketbol Federasiyasının (FIBA Avropa) təşəbbüsü ilə təşkilatın kiçik ölkələr üzrə komissiyasının növbədənkənar iclası keçirilib.

AZƏRTAC Azərbaycan Basketbol Federasiyasına (ABF) istinadla xəbər verir ki, videokonfrans formatında təşkil olunan iclasda komissiyanın üzvləri cari ilin yayında keçirilməsi nəzərdə tutulan yarışları müzakirə ediblər. Əsas müzakirə mövzusu yarışların keçiriləcəyi ölkələrdə koronavirusun dinamikası, mövcud vəziyyət və tətbiq edilən məhdudiyyətlər olub.

İclasda "FIBA Avropa"nın prezidenti Turqay Dəmirəl, icraçı direktor Kamil Novak, komissiyanın sədri Bernard O’Byrne və komissiyanın üzvləri, o cümlədən ABF-nin Beynəlxalq əlaqələr departamentinin rəhbəri Fərid Məmmədov iştirak ediblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.