İDMAN


Azərbaycan Cüdo Federasiyasının prezidenti Quba cüdoçuları ilə görüşüb

Şuşa, 6 avqust, AZƏRTAC

Azərbaycan Cüdo Federasiyasının (ACF) prezidenti Rəşad Nəbiyev Quba şəhərində rayonu təmsil edən məşqçilər və cüdoçularla görüşüb.

Federasiyanın mətbuat xidmətindən AZƏRTAC-a bildiriblər ki, görüşdə Qubada 330 nəfərə yaxın gənc və yeniyetmənin cüdo ilə məşğul olduğu vurğulanıb. Federasiya prezidenti bölgədə idmançılar üçün yaradılan şəraitlə tanış olub və maddi-texniki bazanın təkmilləşdirilməsi ilə bağlı tapşırıqlarını verib, məşqçi-müəllimlərin uşaq və yeniyetmələrlə işlərini müasir tələblərə uyğun qurmaları üçün tövsiyələrini bildirib.

Rəşad Nəbiyev qeyd edib ki, Azərbaycan Cüdo Federasiyasının əsas məqsədlərindən biri cüdonu daha da kütləviləşdirməklə uşaq, yeniyetmə və gənclərin həm fiziki, həm də mənəvi cəhətdən sağlam yetişmələrinə dəstək göstərməkdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.