CƏMİYYƏT


Azərbaycan Diaspor Könüllüləri Bayraq Günü münasibətilə aksiya keçirib

Bakı, 12 noyabr, AZƏRTAC

9 noyabr - Azərbaycan Respublikasının Dövlət Bayrağı Günü münasibətilə Diasporla İş üzrə Dövlət Komitəsi müxtəlif aksiyalar təşkil edib. Həm ölkəmizdə, həm də xaricdə yaşayan azərbaycanlı gənclər üçrəngli bayrağımıza bürünərək xalqımızı təbrik edib, bayrağımızın Şuşada və işğal edilmiş digər ərazilərimizdə dalğalanmasını arzulayıblar.

Diasporla İş üzrə Dövlət Komitəsindən AZƏRTAC-a bildiriblər ki, eyni zamanda, Azərbaycan Diaspor Könüllüləri sosial şəbəkələrdə Bayraq Günü ilə bağlı xüsusi paylaşımlar ediblər. Belə ki, Könüllülər xarici ölkələrdə və ölkəmizin müxtəlif yerlərində bayrağımızla çəkilmiş fotolarını və təbriklərini #Azərbaycan #diaspora #vətənuzaqdadeyil #flag #9noyabr 1Addım1000AddımaYolAçır #AzFlag #Azerbaijan” həştəqləri ilə sosial şəbəkələrdə paylaşıblar.

Tədbirlərin içərisində daha çox diqqəti cəlb edəni isə Bakı şəhərinin mərkəzində Azərbaycan Diaspor Könüllülərinin uşaqlara və xarici qonaqlara Dövlət Bayrağını paylaması olub. Şəhər sakinlərinin və qonaqların marağına səbəb olan tədbirdə üçrəngli bayrağımız və Dövlət Bayraq Günü ilə bağlı informasiyalar verilib, uşaqlara və qonaqlara bayraqlar hədiyyə edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.