ELM VƏ TƏHSİL


Azərbaycan İlahiyyat İnstitutunda Dünya Psixi Sağlamlıq Günü qeyd edilib

Bakı, 15 oktyabr, AZƏRTAC

Azərbaycan İlahiyyat İnstitutunda (Aİİ) Dünya Psixi Sağlamlıq Gününə həsr olunan “dəyirmi masa” təşkil edilib. Bu barədə AZƏRTAC-a institutdan məlumat verilib.

Tədbirdə Aİİ-nin rektoru Ceyhun Məmmədov rəhbərlik etdiyi ali təhsil ocağının yaradılma məqsədindən, hədəflərindən danışıb, institutda mütəmadi olaraq müxtəlif mövzularda seminarların keçirildiyini və bu kimi tədbirlərin artıq ənənə halı aldığını bildirib. Tədbirin mövzusunun aktuallığını vurğulayan rektor inancın insan mənəviyyatında xüsusi rola malik olduğunu deyib.

Sonra Aİİ-nin əməkdaşı Şəms Bağırova Dünya Psixi Sağlamlıq Gününün mahiyyəti ilə bağlı təqdimatla çıxış edib.

Daha sonra Aİİ-nin müəllimi, fəlsəfə üzrə fəlsəfə doktoru Elvüsal Məmmədovun “İnanc və cəmiyyətin mənəvi həyatında rolu”, “Psixoloji Xidmət və Tədqiqatlar” İctimai Birliyinin əməkdaşı, psixoloq İlqar Kərimovun “Əhalinin fərdi inkişafında psixologiya və teologiyanın rolu”, “Etnoqlobus” mərkəzinin direktoru, psixoloq Gülnarə İnancın “Ruh sağlamlığı maddi fiziki dünyamızın sağlamlığının əsasıdır”, Xəzər Universitetinin müəllimi, fəlsəfə üzrə fəlsəfə doktoru Mail Yaqubun “Psixi sağlamlıq nədir?” mövzularında məruzələri dinlənilib.

Sonda mövzu ətrafında müzakirələr aparılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.