MƏDƏNİYYƏT


Azərbaycan musiqi qrupunun “TRT AVAZ” kanalının yubileyindəki ifası maraqla qarşılanıb

Əskişəhər, 22 mart, AZƏRTAC

Türkiyənin Əskişəhər şəhərində “TRT AVAZ” telekanalının fəaliyyətə başlamasının 10 illiyi münasibətilə keçirilən təntənəli yubiley mərasimində Azərbaycan musiqiçilərinin möhtəşəm ifası hərarətli alqışlarla qarşılanıb.

AZƏRTAC xəbər verir ki, Azərbaycanın Xalq artisti Aygün Səmədzadənin bəstələdiyi əsərlər mərasimdə özünəməxsus canlanma yaradıb. Xalq artisti Teyyub Aslanovun ifasında görkəmli bəstəkarın böyük Azərbaycan şairi Əhməd Cavadın sözlərinə bəstələdiyi “Sən ağlama gözəlim”, “Bismillah” və “Ey türk” əsərləri təqdim olunub. Azərbaycan Xalq artisti Elnarə Kərimovanın dirijorluğu əsasında TRT Ankara radiosunun xoru və Əskişəhər orkestrinin ifası ilə keçirilən proqramda solist, Əməkdar artistlər Elçin Həşimov (tar), Elnur Əhmədov (kamança), görkəmli aranjemançı Əvəz Muradov (piano) və Xəyyam Həsənli (ud) müşayiət ediblər.

Sabir Şahtaxtı

AZƏRTAC-ın xüsusi müxbiri

Əskişəhər

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.