MƏDƏNİYYƏT


Azərbaycan xalçasının dünya bazarındakı yeri bərpa edilməkdədir

Bakı, 16 avqust, AZƏRTAC

Azərbaycan xalçasının dünya bazarındakı yeri bərpa edilməkdədir. İlin sonunadək “Azərxalça” Açıq Səhmdar Cəmiyyətinin Şəmkir, Qazax, Ağstafa, Tovuz, Ağdam, Quba, Xaçmaz, İsmayıllı, Qəbələ filialları fəaliyyətə başlayacaq. Ümumilikdə isə respublika üzrə “Azərxalça”nın 30 filialının olması və bununla da 5000-dək adamın daimi iş yeri ilə təmin edilməsi nəzərdə tutulur.

AZƏRTAC xəbər verir ki, “Azərxalça”nın ilk filialında - ötən ilin oktyabrından fəaliyyətə başlayan Füzuli filialında 100-dək müxtəlif ölçülü xalça toxunub. Filialların sayı artdıqca xalçaların çeşidi çoxalacaq. Həmin filiallarda xalçalar əl əməyi əsasında istehsal olunur. Xalçaların özəlliyi onların yunundan, rəngindən, naxışından, bədii kompozisiyasından tutmuş ən xırda detallarınadək əsl Azərbaycan məhsulu olmasındadır. Bu məhsullar isə dünya bazarına çıxarılacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.