İDMAN


“Azəryol”-“Ankara Yenimahalle BSK” oyununun idarəçiliyi kosovolu hakimlərə tapşırılıb

Bakı, 5 noyabr, AZƏRTAC

Azərbaycanın qadın həndbolçulardan ibarət “Azəryol” komandasının “Çağırış Kuboku” uğrunda yarışlarda keçirəcəyi oyunların vaxtı müəyyənləşib.

AZƏRTAC Azərbaycan Həndbol Federasiyasının rəsmi saytına istinadla xəbər verir ki, təmsilçimiz noyabrın 17-də Türkiyənin “Ankara Yenimahalle BSK” kollektivi ilə qarşılaşacaq.

Ankaranın THF İdman Kompleksində keçiriləcək matçı kosovolu hakimlər – Şerif Xhema və Besfort Jahja idarə edəcəklər. Avropa Həndbol Federasiyasının təmsilçisi isə gürcüstanlı Levan Gelaşvili olacaq.

Komandalar arasında cavab oyunu əvvəlcədən razılaşdırıldığı kimi bir gün sonra Türkiyədə keçiriləcək. “Azəryol” cavab matçında meydana nominal ev sahibi kimi çıxacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.