“BARMEK AZƏRBAYCAN” ŞİRKƏTİ ELEKTROMEXANİKİ CİHAZLAR İSTEHSAL EDƏN ZAVOD TİKƏCƏK

“Barmek Azərbaycan” şirkəti Cənubi Qafqazda beynəlxalq standartlara uyğun elektrik cihazları istehsal edən müəssisələr olmadığından, Azərbaycanda texnoloji mərkəz və elektromexaniki cihazlar istehsal sənayesi yaratmağı qərara almışdır.

AZƏRTAC-ın müxbiri xəbər verir ki, şirkət özəlləşdirmə ilə bağlı keçirilmiş hərracın nəticələrinə görə “Bakıelektroavtomat” ASC-nin Binə qəsəbəsindəki tikililərini və nəqliyyat parkını almaq hüququnu əldə etmişdir. Bu müəssisənin əsasında yaradılacaq zavod, Avropa standartlarına cavab verən elektrik, qaz və su sayğacları istehsal edəcəkdir. Zavodda ildə 1 milyon 500 min elektrik, 500 min qaz və su sayğacları istehsal etmək nəzərdə tutulmuşdur. Məhsulların 70 faizi Orta Asiya ölkələrinə, Rusiya və Türkiyəyə ixrac olunacaqdır. Müəssisədə ilk dövrlər 400 nəfər, istehsalın həcmi artdıqca isə 1000 nəfər işçi çalışacaqdır.

Barmek şirkəti zavodun və texnoloji mərkəzin yaradılması üçün ilk 2 ildə 8 milyon ABŞ dolları məbləğində sərmayə qoyuluşu planlaşdırmışdır. Sonradan sərmayənin həcmi artırılaraq 15 milyon dollara çatdırılacaqdır.

Şirkətin nümayəndəsinin sözlərinə görə, elektrik sayğaclarının qiyməti 30-100 ABŞ dolları arasında olacaq və əhaliyə 5 illik kreditlə satılacaqdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.