İDMAN


Bakıda ilk dəfə olaraq akrobatika gimnastikası üzrə Dünya Kuboku yarışı təşkil ediləcək

Bakı, 2 avqust, AZƏRTAC 

Azərbaycan Gimnastika Federasiyası gimnastikanın daha bir növü üzrə beynəlxalq turnirə ev sahibliyi etməyə hazırlaşır.

Federasiyadan AZƏRTAC-a bildiriblər ki, noyabrın 17-18-də Milli Gimnastika Arenasında Bakıda ilk dəfə gimnastikanın ən maraqlı və həyəcanlı növlərindən olan akrobatika gimnastikası üzrə Dünya Kuboku yarışı təşkil ediləcək.

İki gün davam edəcək yarışda 2003-cü il təvəllüdlü və daha böyük gimnastlar kişi cütlüyü, qadın cütlüyü, qarışıq cütlük, qadın qrupu və kişi qrupu tərkibində mübarizə aparacaqlar. İlkin olaraq, Belarus, İsrail, Qazaxıstan, Portuqaliya, Rusiya və Ukrayna komandaları turnirdə iştirak etmək üçün qeydiyyatdan keçib.

Ölkəmizi bu kubokda sonuncu Avropa çempionatının bürünc medalçıları, qarışıq cütlüklərimiz Abdulla Əl-Məşayxi – Ruhidil Qurbanlı və Ağasif Rəhimov – Nurcan Cabbarlı təmsil edəcəklər. Kişi cütlüklərin proqramında isə dünya yaş qrupu yarışlarının (2016-cı il) gümüş medalçıları Seymur Cəfərov – Murad Əkpərov dueti ən yaxşı yer uğrunda mübarizə aparacaq.

Turnirdə ən yüksək icra xalını toplamış cütlüklər və qruplara ənənəvi “AGF Trophy” kuboku da təqdim olunacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.