DÜNYA


Baş Qərargah: Ukrayna hərbçiləri Luqansk vilayətinin Lisiçansk şəhərini tərk ediblər

Kiyev, 3 iyul, AZƏRTAC

Ukrayna hərbçiləri Luqansk vilayətinin ən böyük şəhərlərindən biri olan Lisiçanskini tərk ediblər. Ukrayna Silahlı Qüvvələri şəxsi heyətin həyatını xilas etmək üçün mövqelərindən geri çəkilib.

AZƏRTAC xəbər verir ki, bu barədə Ukrayna Baş Qərargahı rəsmi məlumat yayıb.

Məlumatda qeyd edilir ki, Rusiya Silahlı Qüvvələrinin artilleriya, aviasiya, reaktiv yaylım atəşi sistemləri, döyüş sursatları və şəxsi heyətlə bağlı çoxsaylı üstünlüyü kontekstində şəhərin müdafiəsinin davam etdirilməsi ölümcül nəticələrə gətirib çıxaracaqdı.

Qeyd edək ki, Rusiyanın müdafiə naziri, ordu generalı Sergey Şoyqu Prezident Vladimir Putinə məruzə edib. Müdafiə naziri bildirib ki, Lisiçansk şəhəri və ona bitişik bir sıra ərazilər tam nəzarətə götürülüb.

 
Emil Hüseynli
AZƏRTAC-ın xüsusi müxbiri
Kiyev

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.