İDMAN


Birinci MDB Oyunları: Komandamız bu gün idmanın 4 növü üzrə yarışlarda iştirak edəcək

Bakı, 6 sentyabr, AZƏRTAC

Rusiyanın Kazan şəhərində birinci MDB Oyunları davam edir.

AZƏRTAC xəbər verir ki, sentyabrın 6-da – yarışların dördüncü günündə Azərbaycan komandası 4 növdə iştirak edəcək.

Koreş idman növü üzrə milli komandamız yarışa təsnifat mərhələsindən mübarizəyə qoşulub. Belə ki, yarışlarda Əlisəftar Məmmədli, Elvar Nəhmətzadə, Həsən Ağazadə, Camal Feyziyev iştirak edirlər.

Digər idman növündə - stend atıcılığında təmsilçimiz Cavid Həsənov da təsnifat mərhələsində dairəvi stend yarışlarında mübarizə aparır.

Basketbol üzrə millimizi isə yarımfinalda Rusiya komandası ilə görüş gözləyir. Bu gün, həmçinin tayboksçularımız - Sayer Leyanna Mary (51 kq), Ağazadə Rəvan (67 kq), Məmməd Əmrəliyev (75 kq) də təsnifat mərhələsindən yarışa qoşulacaqlar.

Qeyd edək ki, Azərbaycan komandası Oyunlarda 6 qızıl, 4 gümüş və 12 bürünc medal qazanaraq ümumi hesabda 9 iştirakçı ölkə arasında 3-cü pillədə qərarlaşıb. İkinci yerə 33 medalla (13 qızıl, 12 gümüş, 8 bürünc) Özbəkistan yüksəlib. Birinci pilləni isə 60 medalla (34 qızıl, 14 gümüş, 12 bürünc) Rusiya tutur.

Xatırladaq ki, sentyabrın 11-dək davam edəcək Oyunlarda Azərbaycan komandası idmanın 13 növündə təmsil olunur. Komandamız badminton (8 idmançı), basketbol (4), boks (9), cüdo (16), futzal (13), stolüstü tennis (8), stend və güllə atıcılığı (3), karate (20), kəmər güləşi (4), köreş (5), qadın güləşi (6), sambo (7), sərbəst güləş (10), yunan-Roma güləşi (9), muaytay (tayboks, 6) idman növlərində mübarizə aparır.

 

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.