DÜNYA


Birləşmiş Ərəb Əmirlikləri Fransadan 80 qırıcı təyyarə alacaq

Qahirə, 3 dekabr, AZƏRTAC

Birləşmiş Ərəb Əmirlikləri (BƏƏ) Fransadan 80 ədəd “Rafale” qırıcı təyyarəsi alacaq.

AZƏRTAC xəbər verir ki, Fransa Prezidenti Emmanuel Makronun Dubaya səfəri ərəfəsində bununla bağlı müqavilə imzalanıb.

Qırıcı təyyarələrlə yanaşı, BƏƏ “Airbus” şirkətinin istehsal etdiyi “Caracal” markalı 12 hərbi helikopter də alacaq.

Fransa rəsmilərinin məlumatına əsasən, bu iki müqavilənin ümumi dəyəri 19 milyard dollardır.

Bundan başqa, Fransa Prezidentinin səfəri zamanı BƏƏ-nin “Mübadala” səhiyyə fondu ilə fransız şirkətləri arasında 10 milyard dollar dəyərində sazişin də imzalanacağı bildirilir.

BƏƏ Müdafiə Nazirliyi Fransanın “Dassault Aviation SA” korporasiyası ilə danışıqlara on il əvvəl başlayıb. Birləşmiş Ərəb Əmirlikləri, eyni zamanda, ABŞ-dan F-35 qırıcı təyyarələrinin alınmasına dair danışıqlar aparıb. Lakin Vaşinqtonun ağır şərtləri səbəbindən fransız şirkəti ilə müqavilə imzalanıb.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.