DÜNYA


Bolqarıstan Müdafiə Nazirliyi Avropa İttifaqının sərhədlərini silahla qorumağa çağırır

Sofiya, 22 avqust, AZƏRTAC

Bolqarıstanın müdafiə naziri Krasimir Karaçanov “Die welt” qəzetinə verdiyi müsahibədə Avropa İttifaqının sərhədlərinin daha möhkəm qorunmasına nail olmaq üçün İtaliya və Yunanıstan sərhədlərinə NATO əsgərlərinin yeridilməsinin, silahlardan da istifadə edilməsinin mühüm olduğunu deyib. Nazir, xüsusilə Türkiyə ilə sərhədin möhkəmlənməsinin zəruriliyini vurğulayıb. Bildirib ki, Avropaya Aralıq dənizi vasitəsilə gələn miqrantların çoxu iqtisadi miqrantlardır. Yəni onları öz ölkələrində təqib edən yoxdur və onların müdafiə olunmalarına ehtiyac yoxdur. Bu cür miqrantlar sadəcə olaraq varlı ölkədə yaşamaq arzusundadırlar. K.Karaçanov qeyri-qanuni miqrantların Avropaya axınının təcili dayandırılmasının önəmini xüsusi qeyd edib.

İqbal Hacıyev

AZƏRTAC-ın xüsusi müxbiri

Sofiya

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.