REGİONLAR


Bu il Oğuzda yaş barama istehsalının 8 tona çatdırılması proqnozlaşdırılır

Oğuz, 17 may, Mustafa Dadaşov, AZƏRTAC

Oğuz rayonunda kümçülərə ipəkqurdularının paylanması işi yekunlaşmaq üzrədir. Builki mövsümdə rayonun kümçüləri 193 qutu, yəni 3 kiloqram 667 qram ipəkqurdunun yemlənməsi ilə məşğul olacaqlar. Kümçülərə paylanılan ipəkqurduları Qax Damazlıq İpəkçilik Stansiyasında inkubasiya olunub.

Bu barədə AZƏRTAC-ın bölgə müxbirinə Oğuz Dövlət Aqrar İnkişaf Mərkəzinin direktor müavini Akif Adıgözəlov məlumat verib.

Qurum rəsmisinin sözlərinə görə, builki mövsümdə Oğuz rayonunda yaş barama istehsalının 8 tona çatdırılması proqnozlaşdırılır.

Xatırladaq ki, ötən il oğuzlu kümçülər 220 qutu ipəkqurdunun yemlənməsi ilə məşğul olub, 6,3 tondan çox yaş barama istehsal ediblər. Barama istehsalı əvvəlki illə müqayisədə bir neçə dəfə artıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.